Pólitísk Rétthugsun er Marxísmi

Eins og áður hefur verið sagt er manninum ómögulegt að taka þátt í raunveruleikanum án þess að fíltera það sem hann skynjar í umhverfi sínu í gegnum fyrirfram ákveðna abstrakt skoðun á umheiminum.  Hjá flestum eru þessir fílterar (eða paradíma) margfeldir, eða samblanda af mismunandi paradímum, byggðum á samfélaginu sem einstaklingurinn elst upp í.  Fáir lifa lífi sínu eftir einum afmörkuðum paradíma, en þó eru slíkir einstaklingar, og jafnvel hópar sem staðfastlega reyna að lifa eftir föstum reglum sérstaks parafíma.  Sem dæmi um slíkt í dag eru sumir fylgjendur femínismans sem lýsa því hvernig þau horfa á heiminn í gegnum “sólgleraugu” femínismans.  Sólgleraugun er hér myndlíking á paradíma.

Þessi þörf mannsins til að abstrakta heiminn þýðir að á endanum mun tilraun Póst-Módernismans, að vera endir allra hugmyndafræða, falla um sjálfan sig.  Póst-Módernismanum hefur í raun haft þau áhrif að víðtækari almenn vitund  hefur opnast fyrir paradímum sem að öðrum kosti hefðu líklega ekki risið upp úr afkimum samfélagsins.  Paradíma sem núna hafa mikil og aukin áhrif á samfélagið í heild.

 

Ein öflugasta paradíma síðustu áratuga er Pólitísk Rétthugsun.  Á yfirborðinu er Pólitísk Rétthugsun aðferð til að taka á órökrænum fordómum.  Í daglegu máli kemur þetta fram í breytingu á orðanotkun; dvergur er lítil persóna, innflytjandi er nýbúi os.frv.  Pólitísk Rétthugsun gengur þó dýpra og er mun víðtækari en sem barátta við yfirborðskennda fordóma.  Pólitísk Rétthugsun er tilraun til að algjörlega endurbyggja rökhugsun, og þannig byggja upp sérstakt útópískt samfélag..

Uppruni Pólitískrar Rétthugsunar má rekja til Bandaríkjanna á sjötta áratugnum.  Hugmyndafræðin var sett saman sem heilsteypt paradíma af Þýskum Marxistum Menntamönnum sem flúið höfðu til Bandaríkjanna um Seinni Heimstyrjöldina.  Þessir Þjóðverjar upplifðu það sem þeir töldu vera svik leiðtoga kommúnistaþjóðana við hina Marxísku hugsun.  Í stað hins fullkomna stéttalausa samfélags höfðu leiðtogarnir komið á einræðissamfélagi þar sem fáir flokksfélagar uppskáru afrakstur almennings sem fékk lítið af vinnu sinni.  Niðurstaða Þjóðverjana var að var sú að Marxísku samfélagi væri ekki náð í gegnum pólitíska eða efnahagslega byltingu.  Útkoma slíkra aðferða væri ávalt einræði þeirra sem höfðu mesta valdið.  Leiðin til hins fullkomna Marxíska samfélags væri í staðinn í gegnum byltingu á samfélaginu sjálfu.  Pólitísk og efnahagsleg breyting kæmi síðan frá samfélaginu þegar Marxísk hugsun yrði ráðandi.

Pólitísk Rétthugsun reynir að útrýma séðum valdaskiptingum samfélagsins og skapa Marxískan jöfnuð.  Grunn reglur Pólitískar Rétthugsunar eru einfaldar; umheimurinn er skynjaður út frá séðri valdastöðu og ákvarðanir og dómgreind byggð á því.  Þeir sem eru séðir sem valdhafar eru ávalt í órétti gagnvart þeim sem séðir eru sem valdaminni óháð öðrum staðreyndum.  Konur eru því alltaf í rétti gagnvart körlum, svartir eru í rétti gagnvart hvítum, innflytjendur í rétti gagnvart innbúum os.frv. 

 

Bók dagsins: Retreat of Reason eftir Anthony Browne